5個次氯酸水製造機使用小貼士 | Avo Living 森悠原舍

次氯酸水製造機 源源不絕既安全環保經濟消毒水源

香港人全民抗疫,本地源頭不明個案已大幅下降,全靠大家持續消毒防備。保持家居清潔係抗肺炎第一件要做既事,不過經常用1:99漂白水或者酒精搓手液,始終有一定刺激性,尤其對老人家、小朋友或者寵物唔係咁好;酒精亦會去除皮膚天然保護油脂,女士成日用酒精潔手,會造成皺皮過敏。今期流行既「次氯酸水」正正就彌補到不足,上次Avo Living森悠原舍就解釋左次氯酸水製造機原理,大家都應該知道點解次氯酸水製造機可以為我地帶來源源不絕既次氯酸消毒水,同埋點解次氯酸水安全環保又經濟。今次我地就分享5個使用次氯酸消毒水機既小貼士,天然消毒殺菌實無問題。

好消息:次氯酸水製造機價格大優惠購買超強家居抗疫優惠組合(含次氯酸水製造機),最高56折!

1. 即製即用 發揮次氯酸水消毒殺菌最大功效

一般情況下,次氯酸水活性氯含量可維持3至5天,如保存妥善,甚至長達數周。然而,次氯酸水生成器既製造商都會建議用家在48小時內使用,確保電解消毒水中既活性游離氯濃度達到最佳消毒殺菌效果。不過,正如食點心既道理,即叫即蒸即食先係最好味既,家用次氯酸水最快5分鐘就可以產生出消毒水,當然即製即用就最理想啦。

2. 不透光小樽裝好 出街使用好方便

有時未必可以即製即用,例如自製次氯酸水用來出街潔手。坊間而家有好多小噴樽售賣,製造好次氯酸水後入樽就可以出街使用。不過謹記一點,光同熱係會加速活性氯還原,失去本身天然消毒殺菌既能力,所以帶出街用既話,一定要避免放近熱源同陽光直射,所以最好都係揀個本身唔透明既噴樽用來裝次氯酸水,仲有唔好打邊爐時放係枱面啦。

3. 不同模式電解消毒水 各有適合消毒殺菌用途 

電解消毒水活性氯濃度不同,都會有各自合適既消毒殺菌用途。例如Avo Living森悠原舍 香港獨家代理既Logicmaxx 次氯酸水製造機就有「標準消毒模式」同「加強消毒模式」兩種生成模式,分別產生到大約100ppm同200ppm既次氯酸水。標準消毒水適用在食具、成人手足及一般用途,而加強消毒水就適用於廁所、廚房、傢俬等地方。

4. 每次使用次氯酸水製造機後徹底清潔

次氯酸水本身是很好的氧化劑(Oxidizing agent),正正是透過氧化有機物達至天然殺菌消毒作用。[*] 而次氯酸水經過自身既還原作用(Reduction)就會還原為鹽份,對人畜絕對安全無害。不過為免殘餘既次氯酸水還原為鹽,長期留在次氯酸水製造機內,每次用完最好都係徹底清潔,即使隔一段時間唔用,都唔會留鹽於內,咁部次氯酸水機自然耐用啦。

5. 避免將次氯酸水用於金屬表面

上一段都提過,活性氯係經次氯酸水機電解而成既氧化劑,可以有效氧化其他物質。(如果忘記左電解係乜,可以重溫次氯酸水生成原理。換言之,消毒水都可以氧化金屬,較易明既說法,即係「生鏽」。相信大家都唔會想金屬傢俱、餐具等生鏽既,正如大家都唔會用漂白水清潔金屬一樣。雖然次氯酸水對生物無害,但佢同漂白水屬性接近,所以記得唔好噴落金屬表面呀。

只係用食鹽同普通水,就可以擁有天然安全既電解消毒次氯酸水? 無錯,只要一部 Logicmaxx 高級版次氯酸水製造機 或者 經濟版次氯酸水製造機 ,就可以輕鬆在家自製消毒水,你同你一家既健康就多一份保障。甚至大家在酒店 Staycation 時,可瘋狂為房間消毒亦可毫不吝惜。

你又有無使用次氯酸水製造機既心得想同其他熱愛健康既朋友分享呢? 歡迎留言!

 

延伸閱讀:次氯酸水製造機使用常見問題

天然殺菌次氯酸水次氯酸水製造機次氯酸消毒水機消毒殺菌自製次氯酸水自製消毒水香港次氯酸水香港次氯酸水製造機